Animate the Food Chain Newtown Food Festival

Saturday 1st September 1.30-3.30pm Everyone welcome. FREE Who eats who or what? Make and take home a thaumatrope ... mwy >

Cyfeillion Taith Ruthin Craft Centre & Mostyn Llandudno

Cyfeillion Taith to the Ruthin Craft Centre and Mostyn Contemporary Art Gallery, ... mwy >

Grimoire (a Collective book of spells)

Gweithdy gyda’r artistiaid Fourthland, a fydd yn ystyried cyfriniaeth crefft sy'n gysylltiedig â'r prosesau o greu. Wrth weithio gyda ... mwy >

Oriel Davies Gallery
Y Parc, Y Drenewydd
Powys SY16 2NZ
Rhif ffôn: +44 (0) 1686 625041
Ffacs: +44 (0) 1686 623633
E-bost: desk@orieldavies.org
Llun-Sadwrn 10yb-5yh
Mynediad am ddim

Digwyddiad Rhannu - Litmus

Dydd Sadwrn, 24 Mawrth 2018

Neasa Terry Litmus Residency

Ymunwch â ni am ddiwrnod llawn sgyrsiau a chyflwyniadau i nodi diwedd Rhannau 1-5 Litmus ac i archwilio dyfodol posibl y rhaglen. Bydd y digwyddiad yn cynnwys tri chyflwyniad gan artistiaid Litmus - AJ Stockwell, Neasa Terry a Paul Eastwood.

Lawrlwytho rhaglen ddiwrnod

Dros y 12 mis diwethaf, mae Litmus wedi comisiynu pump o artistiaid newydd yng Nghymru a Gororau Cymru i ddatblygu a chyflwyno gwaith newydd yn ein gofod yn Oriel Davies. Yr artistiaid, a ddewiswyd trwy alwad agored oedd: Katie Surridge, AJ Stockwell, Neasa Terry, Paul Eastwood a Freya Dooley; ei harddangosfa hi, sef Speakable Things (10 Chwefror - 11 Ebrill 2018), yw'r arddangosfa olaf yn ein rhaglen gomisiynu bresennol.

Bydd AJ Stockwell, Neasa Terry a Paul Eastwood yn gweithio trwy gyfrwng perfformiad, cerflunwaith a thechnolegau hen a newydd, ac yn rhannu gwaith sydd newydd gael ei ddatblygu ac ymchwil sy’n mynd rhagddo, ac yn trafod eu hymarfer ehangach mewn sgwrs gyda Louise Hobson, Curadur Litmus. Yna, bydd trafodaeth agored yn cael ei chynnal, lle hoffem eich gwahodd i ymuno â ni i archwilio dyfodol posibl y Rhaglen Litmus gyda’n gilydd.

  • Beth mae rhaglen fel Litmus yn gallu ei chynnig i artistiaid newydd? Ac i gymunedau lleol?
  • Beth neu ble mae'r modelau amgen?
  • Beth mae artistiaid newydd eu heisiau, a’u hangen yng Nghymru?
  • Sut ydym yn creu’r cysylltiadau rhwng rhwydweithiau artistiaid?
  • Sut allwn ni weithio gyda’n gilydd?

Rydym eisiau clywed gan y rheiny sydd wedi bod yn rhan o’r rhaglen Litmus - artistiaid, ymwelwyr, cyfoedion - ac yn fwy eang, unrhyw un sydd â diddordeb mewn trafod syniadau am strwythurau a allai gefnogi artistiaid newydd yng Nghymru. Nod y digwyddiad hwn yw myfyrio ar y rhaglen Litmus a'r prosiectau mae'r rhaglen yn adeiladu arnynt– Test Bed ac In Focus - ac edrych ar syniadau posibl am yr hyn sy'n dod nesaf. Dewch â'ch syniadau gyda chi i’w rhannu a’u trafod.

10:45am – 5pm | Mynediad AM DDIM

Mae amserlen lawn y dydd i'w chadarnhau. Os hoffech ragor o wybodaeth ac i gael y newyddion diweddaraf, ewch i'n gwefan www.orieldavies.org/litmus neu anfonwch e-bost at litmus@orieldavies.org

I fwcio lle, anfonwch e-bost at desk@orieldavies.org neu ffoniwch 01686625041. Mae llefydd yn brin.