Delyth Jenkins: Telynores
Cerddoriaeth yn yr Oriel: Rhan o Groeso Cynnes
Merch y ffin yw Delyth Jenkins.
Cafodd ei geni a’i magu yng Nghroesoswallt, a adnabyddir fel tref Gymreig fwyaf Lloegr. Bob amser yn falch o'i gwreiddiau Cymreig yng nghefn gwlad Sir Drefaldwyn, dim ond ar ôl iddi symud i Abertawe i fynd i'r brifysgol y dechreuodd y gwreiddiau hynny dynnu o ddifrif.
Dechreuodd ddysgu Cymraeg, iaith ei theulu, ond a oedd, yn dilyn ffasiwn y cyfnod, wedi hepgor cenhedlaeth. Ac yn ei hugeiniau cynnar y deffrowyd ei diddordeb yng ngherddoriaeth draddodiadol Cymru, a dechreuodd ddysgu’r delyn. Methu dod o hyd i athrawes oedd yn arbenigo mewn cerddoriaeth draddodiadol, dysgodd trwy wrando ar eraill a thrwy arbrofi. O ganlyniad mae hi wedi datblygu arddull chwarae sy'n perthyn iddi hi i raddau helaeth iawn.
Yn fuan ar ôl dechrau ar y delyn daeth Delyth yn aelod o’r grŵp Cromlech o Abertawe a oedd, dan arweiniad Tommy Jenkins (dim perthynas), yn un o’r grwpiau arloesol yn yr adfywiad canu gwerin Cymreig. Ac yna, gyda Peter Stacey a Stevie Wishart, aeth ymlaen i ffurfio’r triawd offerynnol hynod glodwiw Aberjaber.
Fel unawdydd ac fel aelod o grwpiau amrywiol, mae Delyth wedi teithio ledled y DU, mewn llawer o wledydd Ewropeaidd, ac yn America.
![manual override of the alt attribute](/imager/images/64283/DA573C66-468C-4D39-96B0-DB62E21616A5_2bb036ea5a5f3f37e93e27941423a1b2.jpeg 320w, /imager/images/64283/DA573C66-468C-4D39-96B0-DB62E21616A5_fcc00a90258b5c8ae4cdf5d8f2dad5ee.jpeg 640w, /imager/images/64283/DA573C66-468C-4D39-96B0-DB62E21616A5_bd0a9c291afe1219dcb2be1072ea640a.jpeg 960w)