Cefnogwch

Adeiladu ein dyfodol gyda'n gilydd

Mae Oriel Davies wedi bod trwy gyfnod o drawsnewidiad sylweddol. O ganlyniad, mae Oriel Davies wedi cryfhau fel sefydliad y mae ei weithgareddau y tu mewn a'r tu allan i'r oriel bellach yn rhan annatod o fywyd cymdeithasol a diwylliannol Y Drenewydd.

Celf yw Oriel Gelf Gyfoes Genedlaethol Cymru.

Mae prosiect Celf wedi’i ariannu gan Lywodraeth Cymru ac mae’n ein gweld ni’n partneru â’r Amgueddfa Genedlaethol, y Llyfrgell Genedlaethol ac wyth oriel arall i ddod â’r casgliad cyfoes i’n cymuned dros y blynyddoedd nesaf. Byddwn yn parhau i weithio’n bennaf gydag artistiaid cyfoes.

Mae hwn yn gyfnod newydd i'r oriel ac mae'n manteisio ar dreftadaeth ein rhanbarth ac yn archwilio'r effaith y mae'r Teulu Davies wedi'i chael ar ein treftadaeth ddiwylliannol leol, genedlaethol a rhyngwladol.

Bydd yn adeiladu ar syniadau a archwiliwyd yn arddangosfa 2006, Gweledigaethau Radical, ac yn dod ag enghreifftiau o Gasgliad Davies yn ôl i Bowys o'r Amgueddfa Genedlaethol a'r Llyfrgell Genedlaethol.

Ond mae gwaddol teulu Davies yn ymestyn ymhell y tu hwnt i fyd celfyddyd gain. O gerddoriaeth i argraffu cain, o addysg i wleidyddiaeth ryngwladol, o'r frwydr yn erbyn twbercwlosis i fudiad y Geidiaid Merched, rhoddodd y chwiorydd Davies a'u brawd David, Barwn Davies 1af o Landinam, eu hamser, eu harian a'u hegni i gyfoethogi bywydau pobl Cymru.

Rhan bwysig o'r cyfnod hwn fydd cynyddu nifer y benthyciadau fel y gallwn ddod â chasgliad y chwiorydd Davies yn ôl i'r ardal, ac adrodd eu stori a'r effaith y maent wedi'i chael.