Mae Ashrah Suudy yn ffotograffydd llawrydd, creadigol, ar hyn o bryd yn astudio Cyfryngau, Newyddiaduraeth a Diwylliant ym Mhrifysgol Caerdydd. Mae’n bleser gan Oriel Davies gyflwyno’r grŵp hwn o weithiau sy’n dathlu llawenydd a lliw y gymuned Somalïaidd yng Nghaerdydd wedi’u gosod yn erbyn cefndir llwyd bywyd trefol Cymru. Mae lliwiau'r merched Mwslemaidd modern hyn yn canu allan ac mae Ashrah yn rhoi llais iddynt trwy ei gwaith.
“Cyflwynwyd ffotograffiaeth ffilm i mi gan fy mrawd hŷn a roddodd fy nghamera ffilm cyntaf i mi.”
Mae'r rhan fwyaf ohonom yn darganfod ffotograffiaeth trwy ein ffonau. Nid ydym yn meddwl dim am gipio delweddau yn ddyddiol. Mae Ashrah Suudy yn tynnu lluniau o bethau sy'n dynodi ei hunaniaeth ac yn dweud ei straeon.
Mae'r delweddau sy'n ffurfio “East in Colour” yn canolbwyntio ar y dilledyn Somalïaidd y 'Dirac' sy'n ffrog hir, llac, sy'n cael ei gwisgo ar achlysuron arbennig fel Priodasau ac Eid. Mae'r Dirac yn cael ei gydnabod yn eang am ei amrywiaeth o liwiau a phatrymau. Mae Ashrah yn ei ddisgrifio fel dathliad lliwgar o'i threftadaeth Somalïaidd.
“Mae cyfosodiad y dillad lliwgar yn erbyn awyr lwyd Butetown, Cathays, a Grangetown yng Nghaerdydd yn delweddu sut mae fy niwylliant Somalïaidd yn chwarae rhan bwerus yn fy hunaniaeth, tra’n cael fy ngeni a’m magu yng Nghaerdydd, Cymru.”
Mae rhai agweddau ar ein cymuned yn cael eu hanwybyddu yn y cyfryngau. Nid ydym bob amser yn gweld pa mor amrywiol yw diwylliant cyfoes Cymru. Mae Oriel Davies yn falch iawn o rannu’r gwaith hwn gyda’n cymuned.
“Yn arferol, mae cymunedau Du a Mwslimaidd yn cael eu gweld trwy lens gul ac rydyn ni’n cael ein cyflwyno i fod naill ai’n ‘ddioddef’ neu’n ‘ymladd’.”
Mae “East in Colour” yn ddathliad o wreiddiau’r artist.
Yn 2022 cwblhawyd ffilm gyntaf Ashrah. Comisiynwyd “In a Room full of Sisters” gan BBC Arts, BBC Cymru Wales, Ffilm Cymru Wales, a Chyngor Celfyddydau Cymru, ac mae’n dathlu ei magwraeth Somalïaidd a’r chwaeroliaeth y mae yng Nghaerdydd o’i chwmpas.
Gweithgaredd Posibl:
Allwch chi ysgrifennu am beth mae bod yn rhan o gymuned yn ei olygu?
Efallai dychmygwch eich bod yn un o'r bobl mewn ffotograffau. Beth ydych chi'n meddwl amdano?
Rhan o'n llinyn Lleisiau Amrywiol.
