Caredig i'r Meddwl - Tirweddau a Chynefinoedd

Mae'r gweithdai ystyriol, cefnogol a chyffrous hyn yn dychwelyd gyda nhw

sesiynau archwilio rhyfeddodau tirweddau a chynefinoedd Canolbarth Cymru.

Gan gysylltu â’n cymunedau Cymraeg eu hiaith, yn ogystal â’r dirwedd, cyflwynir gweithdai’n ddwyieithog.

Mae Caredig y'r Meddwl yn rhoi amser i blant ddod i adnabod ei gilydd ac i weithio gydag artistiaid, gan archwilio creadigrwydd trwy weithgareddau ystyriol. Rydym yn argymell archebu pob un o’r pum gweithdy. Archebwch ymlaen llaw gan fod lleoedd yn gyfyngedig.

22.10.22

Cynefinoedd Cymreig

I ddechrau ein cyfres o sesiynau yn seiliedig ar y thema ‘Tirweddau a Chynefinoedd’, byddwn yn edrych ar wahanol gynefinoedd yng Nghymru, arfordirol, ffermdir, dŵr croyw, glaswelltir, corsydd, a byddwn yn creu ein lliwiau naturiol ein hunain i’w darlunio. Gyda'r artist Elin Crowley. Gweithdy dwyieithog.

29.10.22

Mapio Creadigol

Byddwn yn mapio’r byd o’n cwmpas gan ddefnyddio’r hyn y gallwn ei weld, ei glywed, ei arogli, ei flasu a’i gyffwrdd. Byddwn yn gwneud map cydweithredol gan ddefnyddio amrywiaeth o ddeunyddiau, ynghyd â'n mapiau personol ein hunain i fynd adref gyda chi. Gyda'r artist Nicky Arscott.

05.11.22

Gweadau mewn Natur

Yn y gweithdy hwn byddwn yn parhau i archwilio’r thema ‘Tirweddau a Chynefinoedd’ trwy archwilio gweadau a geir yn ein hamgylchedd naturiol. Ein nod yw dal ac ail-greu'r gweadau amrywiol a diddorol hyn trwy brosesau megis argraffu, stampio, paentio, rhwygo, haenu, lliwio, a phwytho. Gyda'r haenau gweadol hyn gallwn greu ein tirweddau ein hunain gan ddilyn proses organig ac arbrofol i gynhyrchu canlyniadau unigryw. Gyda'r artist Elinor Wigley. Gweithdy dwyieithog.

12.11.22

Gyda Nicky Arscott. Manylion i'w cadarnhau

19.11.22

Cynefinoedd bocs esgidiau

Yn y sesiwn hon byddwn yn tynnu llun anifeiliaid a chreaduriaid amrywiol sydd i’w cael yn lleol, neu’n creu rhai newydd os dymunwch, a’u gwneud yn gartref 3D perffaith gan ddefnyddio bocsys a deunyddiau amrywiol. Gydag Elin Crowley. Gweithdy dwyieithog.

Mae Oriel Davies a’r sefydliad celfyddydol Ennyn wedi dod at ei gilydd i greu cyfres o weithdai i danio’r dychymyg, gan annog plant i chwarae ac archwilio. Fe'u cynhelir yn amgylchedd hamddenol a chroesawgar yr oriel ac yn yr awyr agored yn y parcdir hardd. Yn y gweithdai gall plant arbrofi gyda phrint, collage, paentio, gwneud modelau a chlai.

Sefydlwyd Ennyn gan yr artistiaid o Ganolbarth Cymru Nicky Arscott ac Elin Crowley. Rhyngddynt, mae ganddynt 20 mlynedd o brofiad mewn dyfeisio a chyflwyno gweithdai i blant ac oedolion mewn lleoliadau ysgol ac ar brosiectau cymunedol. Ar gyfer y gweithdai hyn bydd yr artist a'r athrawes Elinor Wigley yn ymuno â Nicky ac Elin.

Hygyrchedd
Mae Oriel Davies ac Ennyn wedi ymrwymo i gefnogi anghenion mynediad ein holl gyfranogwyr ac ymwelwyr. Cysylltwch â ni yn desk@orieldavies.org i drafod gyda staff sut orau y gallwn gefnogi eich profiad.

Ariennir y gweithdai trwy Gyngor Sir Powys a Chyngor Celfyddydau Cymru