Codi Dyheadau

Mae Oriel Davies a Powys Together wedi bod yn cydweithio ers 2019 i ddarparu rhaglen greadigol ddwyieithog i ddisgyblion yn holl chwe ysgol gynradd y Drenewydd – Ysgol Dafydd Llwyd, Ysgol Maersyrhandir, Ysgol Penygloddfa, Ysgol Treowen, Ysgol Calon y Dderwen ac Ysgol Gynradd Gatholig St Mary.

Mae'r rhaglen yn rhan o brosiect Powys Together o'r enw 'Raising Aspirations' (Codi Dyheadau), sy'n cefnogi disgyblion Blwyddyn 6 wrth iddynt baratoi ar gyfer yr ysgol uwchradd. Mae 'Raising Aspirations' yn annog chwilfrydedd, sgwrsio ac hyder. Mae'n cefnogi disgyblion i ddychmygu eu dyfodol heb gyfyngiadau. Mae Oriel Davies wedi gweithio gyda channoedd o ddisgyblion, yn yr oriel ac yn yr ysgol, trwy gynnal teithiau, gweithdai dan arweiniad artistiaid ac arddangosfeydd o waith y disgyblion.

Yn 2026, galluogodd cyllid hael gan Max Literacy i'r oriel ymestyn y rhaglen. Mae'r artist Gweni Llwyd wedi gweithio gyda'r ysgolion i archwilio llythrennedd trwy lens eang o greadigrwydd ac wedi creu adnodd digidol hwyliog a chynhwysol ar gyfer ysgolion.

Mae Gwobrau Max Literacy yn bodoli i hyrwyddo ysgrifennu creadigol mewn ysgolion, ac y llynedd ymestynnwyd eu cyllid i Gymru. Cynhelir y gwobrau bob dwy flynedd ac fe'u trefnir gan Engage.

Diolch i'r holl ysgolion a'r staff addysgu, Donna Jenkins o Powys Together, Gweni Llwyd, a gwirfoddolwyr Oriel Davies – Andy, Victoria, Jonathan a Clare.

"Onid dyma'r diwrnod gorau erioed?"