Gweithdai Ysgrifennu
Archwilio'r Oriel Celf Gyfoes Genedlaethol i Gymru
Mae Oriel Davies wedi comisiynu’r ysgrifenwyr Grug Muse ac Emma Beynon i weithio hefo’n gynulleidfaoedd i greu barddoniaeth ac ysgrifen greadigol mewn ymateb i’r gwaith celf yn y Casgliad Cenedlaethol.
Mae’r Artist Ffilm Animeiddiedig, Gemma Green Hope wedi ei chomisiynu i gyfieithu’r gwaith ysgrifenedig i mewn i ffilm wedi’i animeiddio. Bydd y darn gorffenedig yn cael ei harddangos yn Oriel Davies a bydd cyhoeddiad yn cael ei greu.
Cwrdd â'r Artistiaid
Emma Beynon
Rwyf wedi bod yn archwilio’r lluniau yn yr Oriel Celf Gyfoes Genedlaethol i Gymru efo grŵp o feirdd o’r Dre Newydd. Gyda’n gilydd rydym yn dod yn gymuned o anturiaethwyr creadigol, yn ymateb mewn barddoniaeth i luniau a ffotograffau ar Gelf ar y Cyd: cip olwg i mewn i’r amrywiaeth o fewn Cymru.
Mae’n cymryd amser, rydym yn drefnus yn ein sylwadau. Rydym yn ‘sgwennu’n rhydd: yn sgriblo lawr pob peth yr ydym yn ei weld, yn disgrifio’r llun, gan ei ddod yn fyw drwy ddefnyddio’r pump synhwyrau. Rydym yn cofio. Yn dychmygu. Rydym yn rhoi siâp, lliw a llais i’r bobl a’r tirweddau.
Mae ysgrifennu barddoniaeth yn rhoi amser i ni edrych, i weld ac ymateb yn greadigol i naratif a phroses yr artist. Mae’n rhoi amser i ni blymio’n ddwfn hefo’n gilydd ac i drafod, cwestiynu a datgelu. Mae pob cerdd wedi’u hysgrifennu yn y grŵp yn drawiadol o wahanol ond i gyd wedi ei hysbrydoli gan y foment pan yr ydym efo’n gilydd, yn archwilio’r un llun.
Grug Muse
Wrth edrych drwy gasgliad 'Celf ar y Cyd', dwi'n chwilio am gysylltiadau annisgwyl, neu ddarnau sydd yn gallu cael eu gosod mewn ymgom ddiddorol. Beth sy'n digwydd wrth gyfosod llun hardd o bwll dŵr, efo llun o dirwedd ddiwydiannol hagr? Beth yw'r themâu neu'r syniadau sy'n eu cysylltu? Clustfeinio, a chyfrannu at y sgyrsiau hynny rhwng y gweithiau yda ni’n ei wneud yn y gweithdai felly.
Bydd gweithdai yn rhedeg o 10.30am-1pm.
Ymunwch ag Emma ar gyfer gweithdai ysgrifennu Saesneg:
Dydd Mercher 4 Medi yn Oriel Davies Gallery
Oherwydd bod yr oriel ar gau ar gyfer gwaith ailddatblygu (darganfod mwy) bydd y gweithdai canlynol yn Hafan yr Afon gerllaw.
Dydd Mercher 18 Medi
Dydd Mercher 9 a 23 Hydref
Dydd Mercher 6 a 20 Tachwedd
Dydd Mercher 4 a 11 Rhagfyr
Dydd Mercher 8 a 22 Ionawr
Ymunwch â Grug ar gyfer gweithdai ysgrifennu Cymraeg:
Dydd Gwener 13 Medi
Dydd Gwener 11 Hydref
Mwy o ddyddiadau i'w cadarnhau
/
Writing poetry in response to a painting is entirely new to me. I found it quite daunting at first but being part of a merry group carries you along. Nevertheless it is quite demanding… I had a painting of a hillside with very little happening in it; nothing came; I took it home and imagined skylarks in it and wrote the first line:
“Oh! to fly through the music of the sky, singing”.
By the end my words had become birds and the poem a cloud. Quite honestly, I couldn’t have wished for more. No one can take this away from you.
- Adborth gan un o'r Cyfranogwr, 2024
/
Rhan o gerdd gan Dewi Roberts, wedi ei ysgrifennu mewn ymateb i Polluted pool at Maindee gan Jack Crabtree
Polluted pool at Maindee | Artwork (celfarycyd.wales)
Yn y wyneb – y meniscws
Er mor eithriadol o denau a bregus yw’r haen o wyneb neu’r meniscws, mae bywyd yma hefyd fel wyau mathau o wybed. Ffilm o fywyd sydd yma.
Ar waelod y wyneb
Yn hongian yn amyneddgar o waelod y wyneb mae cychwr sy’n aros am damaid o fwyd – treulia hwn llawer o’i fywyd ar ei gefn gan nofio am yn ôl.
Cerdd gan Keith Roberts, wedi ei ysgrifennu mewn ymateb i Bedtime gan Howard Hodgkin
Bedtime | Artwork (celfarycyd.wales)
Where does your frame end
and the picture begin?
As you drift off
to the chaotic dreamscapes.
Maybe you never had a frame,
dreams don’t.
They don't need them.
Mae'r oriel ar agor:
Mawrth - Sadwrn 10 - 4
Caffi yn cau am 3
Ac eithrio digwyddiadau arbennig
Gwyliau banc ar gau
Mae'r rhan fwyaf o ddigwyddiadau yn Oriel Davies yn rhad ac am ddim i'w mynychu ond rydym yn awgrymu rhoi rhodd wirfoddol yma i gefnogi ein gwaith parhaus gan ddarparu gweithdai, digwyddiadau, gweithgareddau a phrosiectau hygyrch.