Celf-Able

Mae Celf-Able yn grŵp celf cynhwysol dan arweiniad yr anabl sy’n gweithio mewn lleoliadau ar draws Sir Drefaldwyn ar ddydd Mawrth a dydd Mercher. Ein prif nod yw lleihau arwahanrwydd cymdeithasol a datblygu cyfeillgarwch a rhwydweithiau cymorth anffurfiol trwy gelf beth bynnag fo gallu person. Rydym i gyd hefyd yn angerddol am natur a'n hamgylchedd ac yn mwynhau gweithio ar brosiectau sy'n gysylltiedig â hyn. I’r perwyl hwn cynhaliwyd diwrnod allan yn RSPB Llyn Efyrnwy, gan weithio ‘en plein air’, a arweiniodd at weithio ar brosiect am adar. Felly, daeth deor cynllun ‘Adar Plu’ i fodolaeth.

Yn ‘hedfan’ Cronfa Gymunedol y Loteri Genedlaethol. Cefnogodd hyn ni drwy roi grant i ni gynnal gweithdai artistiaid dydd Sadwrn ychwanegol yn y Drenewydd, a oedd yn agored i bawb. Roedd yn gyfle delfrydol i ddod â phobl o bob oed a chefndir ynghyd i ddysgu sgiliau celf newydd, mynegi eu creadigrwydd a rhannu eu dynoliaeth gyffredin trwy gelf. Cynhaliwyd 13 o weithdai dros gyfnod o chwe mis a chynhyrchwyd gwaith mewn amrywiol gyfryngau gan gynnwys ffeltio, argraffu sgrin, gwneud llyfrau bach, powertex, gwehyddu, gwaith helyg, gwneud papur, argraffu leino, syanoteipiau a stensilio. Cynhaliom hefyd weithdy arbennig ychwanegol, a ariannwyd gan Celf-Able, ar wneud gemwaith gyda’n noddwr newydd Andrew Logan.

Mae'r gwaith a welwch yma yn ddetholiad bach o'r gwaith a gynhyrchwyd gan yr 20+ o bobl a fynychodd y sesiynau. Gellir gweld mwy yn Llyfrgell y Drenewydd.

Os oes gan unrhyw un ddiddordeb mewn unrhyw ddarnau cysylltwch â admin@celf-able.org i weld a ydyn nhw ar gael.