Ymweliad Brenhinol

Yr wythnos diwethaf cawsom ymweliad yn Oriel Davies gan Dywysog a Thywysoges Cymru fel rhan o'u dathliadau Dydd Gŵyl Dewi. Roeddent mor garedig, amyneddgar, hael a chyfeillgar, gan dreulio amser gyda'n tîm (staff a gwirfoddolwyr), teuluoedd lleol, a dysgwyr Cymraeg, ac yn arddangosfa gelf weledol Engage Gwobr Goffa Alexandra Reinhardt, gyda'i chwaer Veronica.

Yn Oriel Davies, dysgon nhw am brosiect celfyddydau cymunedol sy'n cefnogi lles plant a phobl ifanc. “Mae'n anhygoel beth sy'n digwydd yma,” meddai Catherine wrth y teuluoedd. “Rhaid ei fod yn ffordd mor hyfryd o wneud ffrindiau a rhannu straeon.” Mae'r fenter wedi dod â theuluoedd lleol ynghyd, gan gynnwys y rhai o gefndiroedd ffoaduriaid Syriaidd ac Affganaidd, ar gyfer gweithdai creadigol rheolaidd dan arweiniad yr artist Nicky Arscott.

Roedd llawer o ddiddordeb gan y cwpl yn y gwneuthurwyr cerameg Cymreig yn ein siop, cynnyrch Cymreig yn ein caffi ac yn ein harddangosfa CELF o artistiaid benywaidd o Gymru. Roedd William yn hoffi clywed am yr amrywiaeth o waith rydyn ni'n ei ddangos, o'r 850 o weithiau gan artistiaid lleol yn ein harddangosfa ddiwethaf, i'n harddangosfa gyfredol sy'n cynnwys gweithiau gan Shani Rhys James, Sue Hunt, Jeanette Orrell, Eleri Mills, Catrin Davies, Ann Thomas ac Anya Paintsil.